讲到过年最开心嘅事情,
当然就係 逗利是 啦!
(相关资料图)
话咁快就年初二了啵,
你收/派咗几多封利是咧?
又有几多封係5蚊纸……?
虽然坊间传言,
广东人一直以稳健的实力,
保持住全国利是金额垫底的排名 ,
不过利是呢家嘢,
无论金钱多少,
主要都係 为咗讲个好意头 。
为咗令呢份好意头加码,
大家除咗会 提前换好新银纸 ,
仲多数会准备番啲
喜庆又四正嘅利是封 添!
well~利是讲心唔讲金,
一样可以 靠创意攞满分 嘅~
唔知你今年有冇收/派
边啲 盏鬼趣致嘅利是 咧?
等Color带大家饱饱眼福啦!
↓ ↓ ↓
层层叠叠够豪气
四四方方嘅传统利是封,
相信大家都见惯见熟啦。
咁你有冇见过
“水蛇春咁长”嘅利是封 咧?
近年兴起嘅 折叠型利是封 ,
特别设计成 多卡位内页 。
图源:九木杂物社 拉伸红包
风琴式设计 ,
颠覆传统利是的打开方式,
让拆利是呢个动作 充满仪式感 ,
更添一分趣味性 。
图源:巧可熊 折叠式红包
厚厚一封利是
在手里 超有分量感 ,
咪理金额多少,
气势上就已经赢嗮 啦!
而更加有气势嘅
当属 扇形利是封 ,
将一封封可爱又喜庆嘅
利是封做成扇叶,
摇一摇,财气四溢 ,
直接成为 全场焦点 。
图源:你好名片 折叠式红包
同声同气意头足
大部分利是封
都会配上好意头嘅文案,
“大吉大利”“五福临门”
真係太千篇一律啦 ,
地道又生鬼嘅粤语吉利话 ,
先係最得广东人欢心嘅祝福 !
图源:鸿森纸业 创意粤语红包
想要 简短有力 ,
有 “架势”“沓水”“醒目” 等
正斗形容词任君挑选。
图源:自己友 粤语醒狮封
想要 福气加码 ,
“掂过碌蔗”“发过猪头”
“家肥屋润” 等地道俗语
也千祈咪放过!
图源:猫魂社制贴厂 创意粤语利是封
趣致嘅粤语吉言,
满载最真挚嘅新年祝福,
同声同气,意头都足好多 !
送俾细路哥,
仲可以就地开启
一场粤语教学添~
图源:宣祥纸品 粤语红包
玩乐无穷lucky多
自从手机微信
推出咗“抢红包”功能后,
一到过年,大家除咗忙住
传统嘅逗利是环节,
仲要时刻望实手机,
睇下边个群有红包抢 。
其实 咁刺激嘅手气红包玩法
唔係手机先有得玩噶,
线下版也可安排上!
签条型利是封 一盒15签,
签签写有吉利话。
图源:九木杂物社 抽签红包
可随机塞入唔同面值嘅纸币,
睇下边个係 现实版“手气最佳” 。
亲友聚会、公司团建,
用嚟活跃气氛效果一流 !
以彩票为设计灵感嘅
刮刮乐利是封
同样乐趣多多噶。
图源:THINKBIG 刮刮乐利是封
特设刮刮乐互动区,
刮开可见超有梗的吉祥话,
除咗利是钱,
也可获得 多一份幸运与欢乐 。
图源:THINKBIG 刮刮乐利是封
仲有品牌以创意设计
打造出 “会播动画”的利是封 ,
利用多层卡片抽拉联动 ,
在抽出红包的过程中
就能 睇见不断变化的图案 ,
冧细路就最啱使啦。
图源:妙手回潮 会动的新春红包
你今年收到/派出嘅
最心水利是有乜特别之处?
欢迎留言同大家分享下 吖~
MORE
今日娱乐看点
周慧敏着30年前旗袍拜年
周慧敏在社交网站
向一班粉丝拜年,
仲晒出旗袍look美照。
佢透露,身上的薄纱旗袍
已经係快30年前嘅,
好开心穿上仍然合身 。
fit爆状态真係迷死人!
郑嘉颖、陈凯琳首晒孻仔靓样
郑嘉颖陈凯琳晒出
一组携三胎儿子拍摄的合影,
正式介绍屋企新成员。
照片中,孻仔正脸照曝光,
小肉脸肥嘟嘟十分可爱~
春节档电影微博开分
2023春节档六部
已上映电影在微博有评分啦
其中《满江红》9.5分位列第一、
《流浪地球2》《深海》
则以9.2分并列第二。
你们支持咗边一部?
资料来源:698期《可乐生活》
微博、网络信息综合整理
编辑:陈祉伶
审核:曾敏妍
签发:骆苹
扫描下方二维码订阅 【微店】可乐生活小店 【淘宝】羊晚生活馆 【邮政】中国邮政微邮局 ▼>>>
一次过get可乐 报详细内容
羊城晚报报业集团旗下优秀生活类媒体可乐生活Color ,度身打造专属广州人的吃喝玩乐指南,潮流风向标资讯。
官方微信号:靓仔可乐君(handsomecolor)
广告
X 关闭
嗨,大家好呀~全球49个顶尖的摄影画廊汇聚在第41届AIPAD摄影博览会,由国际摄影经纪人协会组织,到场的...
广告
X 关闭